شوارع مصر والاتوبيسات والمترو وكل حته فى مصر بتشكى من البنات واللى عملينوه فى نفسهم من بنطلون جينز مش عارف ماشيين فيه ازاى وبادى بالوان غريبه وجيبه ضيقه من فوق وواسعه من تحت -غريبه - وبوت لغايه الركبه وفوقه ياما جيبه قصيره ضيقه - دى للاستاذه طبعا -او فوق بنطلون جينز ضيق وكأنها مسابقه مين اللى يبين أكتر وطابعا الشاطره اللى تظهر أكتر , يإما مباشره ودى تبقى جابت من الآخر ويقولوا عليها انها بلدى او اللى قال يعنى بتفهم فى الذوق أكتر وده يبقى غير مباشر.
وطبعا ده مش جديد على مصر فلو شوفنا افلام السبعينات والثمانينات مش هنستغرب لان كان فيه حاجات اصعب من كده وكان عادى ان البنت - او المدام - تمشى بحاجه كده متعديش متر متر وربع فوق الركبه بشويه وتركب فى الاتوبيس كده عادى لكن الموضه راحت وجت غيرها .
وكلنا بنسأل مين اللى سمح لها تخرج كده فمثلا تلقى المحترم ابوها يقول ايهما كل البنات زمايلها كده هو انا هغصب كمان على بنتى تلبس ايه ومتلبسشى ايه , ده حتى البنت تزعل وممكن يجرالها حاجه وبعدين انا مرابيها تربيه زى الفل دى بتمشى حطى وشها فى الارض ربنا يخليهالى يارب .
وتلقى امها المبجله بنت الحسب والنسب تقول ايهالبنات اليومين دول مبيتجوزوش وبعدين هى بتروح فين ده يدوب بتروح لخالتها كل يوم ولما يعنى بتبعد بتروح الكليه فردت كعب من هنا وهى لسه صغيره لما تبقى تروح بيت جوزها يبقى يقولها اللى هى عايزاه.
وتلقى بقى البوب الكبير أخوها اللى لسه مخلص شات من شويه مع ( واحده ) زميلته بياخد منها المحاضرات .حد يقدر يتكلم نص كلمه على اختى ده انا اقطع لسانه انا اختى مش من البنات ال------ ( الشهامه وخداه ) وبعدين طول ما الوالد عايش مليش كلمه عليها .
الحقيقه طبعا ان جواهم فى نفسهم حاجه تانيه خالص, هو وهى بيكذبوا على نفسهم طبعا ولو مكانوش عارفين , ده يبقى موضوع تانى مش وقته .
وخلينا نتفق على قاعده ان مش شرط ان البنت تكون مؤدبه لما تكون لابسه باحترام لكن شرط ان البنت اللى لابسه الكلام اللى فوق انها تقصد تقول حاجه او ورا الموضوع ده حاجه مش سليمه لان لا دينا قال كده ولا اتعودنا على كده واكيد الموضوع ده بيسبب مشاكل صغيره جدا لكن نتايجه كبيره جدا .
0 تعليقات:
إرسال تعليق