كان نفسى دايما اعرف تفكير شعوبنا العربيه مختلف كتير اوى عن الغرب ؟ وهل استخدامنا للانترنت مختلف زياده اوى ؟ - على اعتبار ان فعلا فيه اختلاف - وتفكيرنا منحصر فى ايه ? وطبعا لقيت ان معظم الاحصائيات فى الموضوعات دى صعبه شويه , وهى ان اعمل ده بنفسى خصوصا انى عايز نتيجه اكيده وصحيحه وكل ما كانت Computerized كل ما كان أفضل لانها أكيد صحيحه , فضلت الفكره دى شغلانى فتره لغاية ما لاقيت حل فظيع .
Google Insights for Search كانت الحل الامثل للموضوع ده والموقع ده كتييييييييييييييير مننا ما يعرفوش على الرغم انه خطير جدا , وفى تعريف عن الموقع بيقولوا See what the world is searching for يعنى شوف العالم بيبحث فى ايه , وده موقع عباره عن قاعدة بيانات مفصله فيها انك تقدر تشوف ايه الكلمات اللى مستخدمين الانترنت فى الدوله دى بحثت عنها فى 7 ايام او الشهر الى فات او 12 شهر اللى فاتوا او سنة 2009 لغاية سنة 2004 او اى فتره انت عايزها.
هو فيه امكانيه انك تعرف ايه الدول بالترتيب اللى بحثت عن كلمه معينه فجربت الكلمه الاشهر على الاطلاق - مع احترامى لقراء المدونه - وهى SEX ولقيت ان ترتيب العشرة دول الأوائل كان للأسف فيه دولتان عربيتان (شوفوها بنفسكوا ) - شوفوا من وسط كام دوله فى العالم - وخمسة دول اسلاميه .
انا مش هتكلم كتير عن الموقع وهسيبكوا تجربوه بنفسكوا الموقع فيه فوائد لا حصر لها - خصوصا لاصحاب المواقع - انا بس هعرضلوا شوية صور وانتوا قولولى رأيكوا فيها ؟ وهل تقتكروا ان احنا بنعرف نستخدم الانترنت ؟
1 تعليقات:
كل دولة فيها مقبرة
إرسال تعليق